Ndryshimi i numrit të ministrive do të jetë propozim ligji i parë në Kuvendin e ri

May 31, 2024

Riorganizimi i Qeverisë dhe ndryshimi i numrit të ministrive do të jetë projektligji i parë që do të vihet para deputetëve për shqyrtim në parlamentin e ri, tha kryetari i ri i Kuvendit, Afrim Gashi.

Sipas tij, ndër vendimet ligjore prioritare është ligji që nuk do të lejonte zgjedhje të parakohshme për kryetarët e komunave, kryetarët e të cilave do të vendosin të hyjnë në pushtetin ekzekutiv, sepse vitin e ardhshëm vijnë zgjedhjet e rregullta lokale.

“Mendoj se është e gabuar dhe në kundërshtim me Kushtetutën që dikush zgjidhet për katër vjet, dhe një tjetër merr votat e popullit në zgjedhje me mandat tetë muajsh. Ne besojmë se kjo është jokushtetuese dhe duhet të korrigjohet me ligj që do ta mundësojë”, tha Gashi në një intervistë për “Radion Evropa e Lirë”.

Dy kryetar të komunave janë ndër politikanët që mund të bëhen ministra në qeverinë e re. Në mesin e deputetëve që hynë në përbërjen e re parlamentare të vendit është edhe kryetari i komunës së Sarajit, Blerim Bexheti, i cili u largua nga posti i kryetarit pas konfirmimit të mandatit të tij si deputet.

Presidentja Gordana Siljanovska-Davkova javën e ardhshme duhet ta japë mandatin për përbërjen e qeverisë së re. Afati ligjor për këtë procedurë skadon më 7 qershor.

Leave a Reply

Your email address will not be published.

Previous Story

Nazim Bushi nga sot merr postin e Ministrit të Punëve të Brendshme

Next Story

Në tremujorin e parë shtimi natyror është negativ apo 1567 persona, 2488 martesa, 597 shkurorëzime

Latest from Lajme

Go toTop