Османи на НАТО министерски состанок во Прага

May 31, 2024

“Евроатлантските интеграции на Западен Балкан од суштинско значење за регионалната стабилност”

Министерот за надворешни работи, Бујар Османи учествуваше на неформалниот Состанок на министрите за надворешни работи на земјите-членки на НАТО, во Прага.

Во фокусот на состанокот беа актуелните безбедности состојби, со акцент на зајакнувањето на поддршката за Украина. Министрите се осврнаа и на одлуките кои треба да се усвојат на Самитот на НАТО во Вашингтон.

Османи се осврна на потребата од забрзување на евроатлантските интегративни процеси.

“Од суштинско значење е интегрирањето на Западен Балкан за консолидирање на стабилноста во регионот и превенирање од дестабилизирачки влијанија од трети страни. ЕУ перспективите на Западен Балкан треба да се сметаат како стратешка безбедносна политика”, нагласи Османи.

Воедно, Османи ги истакна веќе познатите позиции на нашата земја, нагласувајќи дека Северна Македонија е цврста во поддршката за Украина, од почетокот на руската агресија. Исто така, нагласи дека како кредибилна членка на Алијансата земјава веќе го надмина долниот праг од 2% од БДП за инвестициите во одбраната, а потенцираше и дека е силен поддржувач на политиката на отворени врати на Алијансата.

Leave a Reply

Your email address will not be published.

Previous Story

Vdes e moshuara që u rrah në shtëpinë e pleqve në Pejë

Next Story

Osmani në Takimin Ministror të NATO-s në Pragë

Latest from Вести

Go toTop