BDI: Askush mbi ligjin, të veprohet sipas ligjit për çdo individ

December 30, 2023

Pas kapjes së Drin Ahmetit, nipit të Ali Ahmetit me mjete piroteknike nga BDI thonë se qëndrimi i lideri të BDI-së është shumë i qartë, askush mbi ligjin dhe të veprohet sipas ligjit kush do që është dhe për këdo që bëhet fjalë.

“Ali Ahmeti e ka qëndrimin e qartë në lidhje me çdo veprim në kundërshtim me ligjin dhe e ka përsëritur në çdo rast që: “Askush mbi ligjin, të veprohet sipas ligjit për çdo individ” thonë nga BDI.

Nga ana tjetër policia konfirmoi se në veturën Range Rover pronë e D.A janë gjetur mjete piroteknike.

“Sot (30.12.2023) në ora 19:50 në rrugën Samuilova në Shkup, zyrtarët policorë kanë ndaluar automjetin e pasagjerëve “Range Rover” me targa regjistrimi shqiptare, i drejtuar nga D.A. (25) nga fshati Zajas-Kërçovë dhe gjatë kontrollit të automjetit janë gjetur mjete piroteknike. Personi është ndaluar në komisariat dhe pas dokumentimit të rastit do t’i nënshtrohet kallëzimi përkatës”, thuhet në njoftimin e MPB-së.

Previous Story

Klubi i Kickboksit Wolf përmbyll me shumë suksese vitin 2023

Next Story

Albanian Post për Ali Ahmetin: Personalitar shqiptar i vitit 2023

Latest from Lajme

Go toTop