Kamber Dehari kampion në MMA, fiton titullin e kategorisë WKU

Kamber Dehari nga Gostivari është shpallur kampion në MMA. Shqiptari nga Maqedonia e Veriut arriti të fitoj luftën ndaj Miradjeddin Tayson Rahim në kategorinë deri në 86 kg në duelin e zhvilluar në Zvicër.

Për Kamber Deharin ky ishte titulli i parë që fiton në Artet Marcieale Mikse si profesionist, përderisa në të kaluarën ka marrë pjesë në turnetë e këtij sporti si amator të zhvilluara në Shkup dhe Sofje të Bullgarisë.

Dehari për këtë luftë ishte përgatitur për një vit e gjysmë dhe në fund arriti që rrëmbejë titullin e kampionit, ndërsa gostivarasi pritet të caktoj edhe meçe tjera në vitin 2024 për të luftuar edhe për tituj tjerë në këtë sport luftarak.