Kosova jashtë programit 7.5 miliardësh të BE-së, qeveria konfirmon pezullimin

July 1, 2023

Plot 7.5 miliard euro peshon marrëveshja që Maqedonia e Veriut po nënshkruan me BE-në për programin e Evropës Digjitale. Por një gjë të tillë nuk e bëri edhe Kosova, e cila ka mbetur jashtë programit.

Me firmosjen e marrëveshjes që u bë të premten në Bruksel, Shqipëria, Serbia, Maqedonia e Veriut dhe Mali i Zi do të jetë pjesë e këtij programi, i cili financohet nga Bashkimi Evropian prej gati 7,5 miliard eurove.

Lënien e Kosovës jashtë këtij programi e ka konfirmuar Ministria e Ekonomisë.

“Sipas njoftimit të pranuar nga Drejtoria e Përgjithshme për Rrjetet, Përmbajtjen dhe Teknologjinë e Komunikimeve, data e nënshkrimit të marrëveshjes mes Republikës së Kosovës dhe Komisionit Evropian është shtyrë”, ka thënë Ministria e Ekonomisë për RTV Dukagjinin.

Ky vendim vjen pak kohë pasi BE-ja paralajmëroi masa ndëshkuese ndaj Kosovës për shkak të mos ndërmarrjes së hapave për uljen e tensioneve në veri të vendit.

Pjesë e programit tashmë janë bërë Shqipëria, Mali i Zi, Maqedonia dhe Serbia.

Leave a Reply

Your email address will not be published.

Previous Story

Kosova për herë të parë nuk fiton asnjë medalje në Lojërat Evropiane

Next Story

Jotova i bën thirrje Maqedonisë që t’i përfshijë bullgarët në Kushtetutë

Latest from Lajme

Go toTop